طريقتي المنزلية في اخفاء الشيب [ كتم + زبادي + ماي ]: د جنة خداده
طريقتي في اخفاء الشيب👩🏻🦳[كتم+زبادي+ ماي]:
.
قبل اي شي القصد بطريقتي ان هذي طريقة اتبعها و قد يكون كثير غيري يتبعها و ليست منسوبه لي و ليست موضوع طبي و لكن للطلب الكثير حبيت اخليها موضوع ثابت اللي حاب يستفيد منها او يطبقها .
الطريقه اللي تبعها في اخفاء الشيب من الجذور :
.
1️⃣هي اليوم الاول : حنه طبيعيه خاليه من الاصباغ و الحنه الطبيعيه هي الحنه اللي تعطي الشعر درجات الاحمر و كل وحده على حسب لون شعرها و درجة سواده بس القصد اكيد مو حنه سودا
.
2️⃣اليوم التالي من الحنه استخدم الكتم :
.
ماهو الكتم : نبات طبيعي ينبت بالطقس البارد ينطحن و يستخدم لتغطية الشيب يباع عند الحواجات بس بنات مو كل الانواع زينه عادة اخذي اليمني و في منهم يمدحون الايراني بصراحه اللي استخدمه حاليا اليمني هذا المتوفر بحواجات الكويت اللي تلقى شي احسن على راحتها بس اسمه ✅ الكتم✅ .
طريقة اعداده: عادة طريقتي اخذ ٦-٨ملاعق اكل كبيرة من الكتم + ٢ علبة زبادي+ حوالي ٢٠-٣٠ مللي ماء حار و يخلط و يصير شبه سائل و لونه مائل الى البنفسجي الداكن جدا او كأنه اسود و يفرد عالجذور اللي فيها شيب و يترك ساعتين فقط تكفي و يغسل بالماء و اذا صعب انه يطلع حطي شامبو يسهل العمليه بس راح يطلع من غير عنف على الشعر و البقيه راح يروح بس تنشفين شعرج بهوا و يطيح اذا ما طاح بالكامل اثناء الشاور 😍😍😍😍
.
معلومات عن الكتم لتغطية الشيب
عادة احطه مره واحده بالشهر لما تبتدي الجذور اللي فيها شيب تظهر و كل وحده على حسب طبيعة شعرها و معدل النمو عندها بس اعتقد تكفي مره بالشهر 👩🏻🦳 و اليوم اللي قبله اكون حاطه حنه و عادة اسوي حمام زيت بعده مباشره بيوم بس بعيد عن الجذور عشان اطري الشعر و احافظ عليه من الجفاف و بالتالي كذلك يطيح اي كتم زايد من الشعر مع غسل الشعر من حمام الزيت .
مهم جدا :
- ميزته ✅✅ ان نبته طبيعيه و خاليه من الكميائيات بس
- عيبه: يجفف الشعر فبالتالي ما يناسب الكل او مو الكل يحبه و بالنسبه لي شعري دهني فناسب شعري ١٠٠ ٪ و خيالي مع شعري و استخدمه فقط مره بالشهر و ما احتجت من استخدمته اصبغ الجذور و مايبني و شعري بدى يستعيد كثافته لله المنه و الفضل .
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق