طريقة استخدام فيتامين سي مع مقشر البشرة - د جنة خداده
المقشرات ( السكين اورين و الديفيرين) و سيروم فيتامين سي ؟! 😍😍😍😍
.
.
المشكلات اللي تواجه اغلب البنات من بعد اختيار المنتجات للبشرة تكون في كيفية ترتيبها و استخدامها و هالفتره راح اشرح شي شي لكم و ارتب المواضيع بحيث بكل بوووووست نتطرق لنقطة و نفصلها و تكون واضحة و تستفيدووووون منها
.
اللي بتطرق اه اليوم اهوا اذا البنت تستخدم مقشرات و هي كثيرة و لكن بحط بعضها و هم : السكين اورين او الديفيرين و الاستخدام لهم قلنا بليل و لازم مايكون في تعرض للشمس 🤚🏼🤚🏼 طيب بعد هالمقشرات بالعناية الليلية هل اقدر استخدم سيروووووم الفيتامين سي او لا ؟!
.
.
باختصار استخدام المقشر تقدرووووون تحطووووون بعده مستحضرات العناية الخالية من المقشرات عشان مايكون في تعارض مع المقشر فتقدرين تستخدمين الهايلورونيك اسيد و سيرومات الشد و غيرها و لكن فيتامين سي لنضارة البشرة الرائع في نقطة مهمة ان اهوا عند البعض يقشر خفيف جدا فيسبب جفاف حتى لو كان عند فئة بسيطة فبالتالي البنت اللي تستخدم المقشر و اتحط بعده الفيتامين سي اذا كانت بشرتها حييل حساسة او جافة و نسبة فيتامين سي عالية فيصير جفاف و احمرار و تهيج بس شالحل ؟!
.
الحل : يختلف على حسب كل بشرة فاذا كانت البنت تستخدم المقشر بليل و اعتادت عليه بشرتها و لا تحس ان قاعد يهيج بشرتها او يجففها حيل و خاصة ان اهيا بالعناية الليلية قاعده تحط مرطبات بعد المقشر فتقدر مرتاحة تدخل سيروووووم فيتامين سي من ضمن العناية الليلية بعد المقشر عادي 🤚🏼🤚🏼 اما اذا كانت مع المقشر تحس بتهيج و تحسس و لم تعتد البشرة بالكامل عليه فتفصل بين فيتامين سي و المقشر و تخلي المقشر بليل ثابت او تستخدمه يوم و ترك و تخلي فيتامين سي بأي وقت مختلف من اليوم افضل عشان تتجنب هالشي 😍😍😍😍
اما عن نفسي بشرتي اعتادت عالمقشرات فالبنات يشوفون لما احط العناية الليلية احط المقشرات و بعدها كذا سيروم عنايه ليليه من ضمنهم فيتامين سي و النتيجة روعه و لكن مو كل البشرات نفس الشي او طبيعتها وحده و الاختلاف طبيعي فالبنت اللي تحس بشرتها نا تتحمل تحط فيتامين سي بوقت مختلف من اليوم عن وقت المقشرات الليلي ✅✅✅✅
.
.
المقشرات هذي مو بس اللي معروفه اقصد التقشير بشكل عام سواء فيها او باحماض اللواكه او الريتينول
و فيتامين سي بشكل عام بتراكيزه المختلفه و بالبراندات المختلفه بس القصد بالجمع بين المقشرات ليلا و فيتامين سي و اتمنى النقطة وضحت و كل بنت عطيتها طريقتين و تستخدم الطريقة اللي تناسب بشرتها 😍😍😍😍
اتمنى الموضوع نال على اعجابكم .
.
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق