ليش بعض السيرومات و الكريمات تطلع لنا حبوب بالوجه؟! - د جنة خداده
ليش بعض السيرومات او الكريمات تطلع لنا حبوووووب بالوجه؟!🧐🧐🧐🧐
.
.
بهالبوووووست بشرح لكم كل الاشياء و الاحتمالات اللي ممكن تكون سبب ان بعض السيرومات او منتجات البشرة تطلع او تسبب حبوووووب بالوجه لكم و اللي حتى ما اسعفتني دقيقة اشرحها لكم الحين بحطها بالتفصيل بنات عشان تعرفون 🙏🏼🙏🏼😍😍
.
١-قد يكون السبب ان المنتج نفسه ماناسب بشرتكم حتى لو اهوا زين و ناسب كثيرين من حولكم بس اابشرات بالاخير تختلف
.
٢- احتمال يكون المنتج نفسه رديء و ما يناسب اي بشرة لانه مو ذات جودة او حفظه تم بمكان حار و فسد
.
٣- السبب اللي كثير للامانة نصادفه اهوا ان البنت تستخدم من المنتج نفسه كميات حيل كبيرة عشان ترطب الوجه في خين ان نقطة وحدة بطرف الاصبع تكفي لترطيب الوجه لذلك اعتدلوووووا بالكميات يا بنات 👍🏻👍🏻👍🏻👍🏻
.
٤- قد تكون البنت قد استخدمت كثير من السيرومات قبله او كثرت من استخدام السيرومات و تحط خمسة و لا ستة ورى بعض .
٥- السيروووووم او المنتج كان غير مناسب لنوع البشرة و هذا الشي وارد لانه البشرات انواع منها عادية و مختلطة و دهنية و جافة و كل وحدة يناسبها انواع معينة من الكريمات و السيرووووومات و قوام محدد قد ما يناسب كل البشرات .
٦- استخدام السيرووووومات و الكريمات اللي فيها زيوووووت ودهنية عالبشرة قد يسبب حبوب .
٧- الايد ماتكون نظيفة عند تطبيقها عالوجه .
٨- البنت دايما ترطب ويها بس ما تسوي تقشير بين فترة و فترة
.
٩- تكون البنت اهيا عندها مشكلة حب شباب و تزامن ظهورها مع استخدام المنتج حتى لو مو من المنتج او عندها مشكلة بالعرمونات كتكيس المبايض .
هذي بعض الامور يعني مو كل شي بسببكم و لا كل شي بسبب المنتج نفسه و لازم تحطين كل هالنقاط بعين الاعتبار قبل لا تحكمين ان المنتج او انتي السبب .
.
اتمنى الموضوع فادكم لو بشي بسيط .
صارت معاكم و منتجات طلعت لكم حبوب من قبل ؟!و هل كنتوا متأكدين ان من المنتج نفسه او لا ؟! .
.
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق