الفوط الصحية اليومية - هل هي ضارة ؟ دكتورة جنة خداده
الفوط الصحية اليومية 🧐🧐 هل ضارة ؟!
.
.
الفوط الصحية النسائية اليومية اللي تستخدم بشكل يومي في غير اوقات الدورة الشهرية للحفاظ على جفاف المنطقة و الحماية من البلل من الافرازات هل لها مضار من استخدامها او لا ؟! للامانة المشكلة تكون ساعات من الفوط الصحية و ساعات تكون منكم شلون خل اشرح لكم عشان تستفيدون .
.
1️⃣ المشكلة تكون من الفوط الصحية اذا كانت مو قطنية ١٠٠٪ فاحتمالات الالتهابات تكون كبيرة او تكون معطرة بعطور غير عضوية و ما تتاسب كل البنات فعند البعض تهيج لهم المنطقة لذلك نصيحة اي فوط صحية سواء يومية او للدورة الشهرية يتنزامن مع وقت استخدامكم لها التهابات فقد يكون منها على طول فغيريها و استخدمي غيرها لحد ما توصلين لشي يناسب بشرتج لاني نفس ما قلت مافي شي يناسب الكل و لا كل شي ينباع من هالفوط الصحية يكون ذات جودة و الالتهابات لو حدثت نعالجها عشان لا تترك سواد او اثر .
.
2️⃣ المشكلة تكون منكم اذا تستخدمون هالفوط الصحية اليومية و كان في افرازات متكررة بكثرة خلال اليوم و ماتستبدلووووون الفوط الصحية خلال اليوم كذا مرة اهني مشكلة فلازم تغيرووووون الفوط عالاقل كل ٤ ساعات عشان لا تصير المنطقة رطبة و مرتع لنمو البكتيريا و الفطريات و بالتالي الالتهابات الخارجية و الداخلية الى المهبل خلوووووا بالكم من هالنقطة بنات دامكم تستخدمووووون الفوط اليومية مهم انها تتغير و ماتظل ساعات و اذا كنتي طالعة مووووو عذر خلي معاج بديل حتى بالجنطة للتبديل هذي النقطة حييل مهمة و ما تطرقت لها من قبل عشان جذي حطيتها لكم .
.
د. جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق