تحذير من استخدام هذه الكريمات - الدكتورة جنه خداده
احذر من استخدام هالكريمات العشوائي :
.
.
بين فتره و فتره اقرا تعليق او سؤال من ضمن الكومنتات اذا حطيت كريم او مقشر السؤال يقول دكتوره هل هالكريم يسبب ترقق للبشرة؟! و يخليها رقيقة و ضعيفة و حساسة ؟!؟!
للامانة السؤال حييل حلو و لفت انتباهي و ووجهني عشان تعرفون شكثر تعليقاتكم تساعدني باختيار المواضيع التوعويه فعشان جذي خصصت هالبوووووست لكم عشان اشرح لكم باختصار ماهي الكريمات اللي تسبب ترقق للبشرة ؟!؟!
.
الكريمات اللي تسبب ترقق للبشرة هي كريمات الكورتزون بس متى؟! اذا استخدمت بشكل عشوائي و خاصة كريمات الكورتزون عالية التركيز هذي المشكلة تصير معاها اكثر و حتى لو استخدمت لفترة ماتكون طويلة عالوجه لذلك وجب التنويه ان هذي الكريمات اللي تسبب ترقق للبشرة يا بنات و حتى اللي نسبته او تركيزه قليل اذا استخدم لفترة تتعدى الاربع او ست اشهر متواصلة قد يحدث معاه هالاعراض و هي ترقق البشرة و غيرها من الاعراض اللي تحدث عند استخدام كريمات الكورتزون عالوجه بطريقة خاطئة و عشوائية و عي كالتالي :
١- اهمها قلناه ترقق الجلد و تقرحات وسهولة حدوث جروح في المنطقة اللي استخدم عليها الكورتزون بشكل خاطىء🤓
٢- بروز و ظهور شعيرات دموية في الوجه تخلي شكل الوجه مو حلو و كانه خيوط عنكبوت بارزة منه💔
٣- قد تتزايد مشكلة حب الشباب في الوجه💔
تقرحات وسهولة في تجريح المنطقة التي يوضع عليها الكريم ✋🏼
٤- قد يحدث اسمرار شديد في الوجه نتيجة لاستخدام كريمات الكورتزون ✋🏼
٥- زيادة في تحسس الجلد 😢
٦- زيادة نمو الشعر في الوجه 😢
.
.
ملاحظة: بعض الخلطات اللي تنباع في اماكن غير المراكز الطبية سواء على اكاونت انستقرام او غيرها و ليست عن طريق دكتووووور مختص قد يكون بخلطاتها اضافات من كريمات الكورتزون بنسب عالية فتسبب لكم هالاعراض فخلوووووا بالكم 👍🏻👍🏻👍🏻👍🏻
.
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق